今日有場日職獨腳戲,福岡黃蜂主場迎戰京都不死鳥。兩隊成績及狀態差得遠,黃蜂走勢凌厲,近6場聯賽取得5勝1和,殺上前列甚至有力爭冠,3分志在必得。不死鳥演出持續低迷,作客例腳軟更加凶多吉少,黃蜂主勝值博。(周日晚6時開賽)
接連報捷殺上前列 黃蜂季初一度陷入低谷,點知5月底開始愈戰愈勇,近6場聯賽取得5勝1和,和波一場係同榜首町田澤維亞踢成0比0,可見佢哋現時狀態及實力處於頂點。事實上,黃蜂經過連場勝仗後,已經殺上前列位置,士氣非常高昂,等閒之輩難以阻擋其前進,更何況今場對手只係護級球隊京都不死鳥,黃蜂要延續上佳走勢並唔難。
至於不死鳥上場聯賽雖然贏波,但只係小勝同屬下游球隊嘅湘南比馬1比0,不宜高估,特別係佢哋近5場聯賽作客僅得1勝1和3負,今場遇強隨時又打回原形。加上不死鳥近6次對黃蜂,輸咗5次,明顯被對手剋住,預料難逃一敗。
|